ྋགོང་ས་མཆོག་གི་མཛད་འཕྲིན་གྱི་སྐོར་དྲི་ལན།

དྲི་བ། ྋགོང་ས་མཆོག་གི་ཡབ་ཡུམ་གཉིས་ཀྱི་མཚན་གང་ཡིན་ནམ།

ལན། ཡབ་ལ་ཆོས་སྐྱོང་ཚེ་རིང་དང༌། ཡུམ་ལ་བདེ་སྐྱིད་ཚེ་རིང་ཅེས་ཞུ་བ་རེད།

དྲི་བ། ྋགོང་ས་མཆོག་གི་འཁྲུངས་ཡུལ་གང་དུ་ཡིན་ནམ།

ལན། ྋགོང་ས་མཆོག་གི་འཁྲུངས་ཡུལ་ཨ་མདོ་སྐུ་འབུམ་སྟག་འཚེར་ལ་རེད།

དྲི་བ། ྋགོང་ས་མཆོག་ཕྱི་ལོ་ཟླ་ཚེས་གང་གི་ནང་འཁྲུངས་པ་ཡིན་ནམ།

ལན། ཕྱི་ལོ་ ༡༩༣༥ ཟླ་བ་ ༧ ཚེས་ ༦ ལ་འཁྲུངས་པ་རེད།

དྲི་བ། སྐུ་ཕྲེང་བཅུ་གསུམ་པའི་ཡང་སྲིད་འཚོལ་སྐབས་ལྷ་མོའི་བླ་མཚོ་ནང་གང་གཟིགས་པ་རེད།

ལན། ལྷ་མོའི་བླ་མཚོ་ནང་ཡི་གེ་ཨ་ཀ་མ་གསུམ་གཟིགས་པ་རེད།

དྲི་བ། ཡི་གེ་ཨ་ཀ་མ་གསུམ་གྱི་གང་མཚོན་པ་ཡིན་ནམ།

ལན། ཨ་ནི་ཨ་མདོ་དང། ཀ་ནི་སྐུ་འབུམ། ཀ་མ་ནི་ཀརྨ་རོལ་པའི་རྡོ་རྗེའི་དགོན་པ་བཅས་མཚོན་པ་ཡིན།

དྲི་བ། ྋགོང་ས་མཆོག་གིས་ལུགས་གཉིས་ཀྱི་ཐུགས་འགན་ག་དུས་བཞེས་གནང་ཡོད་དམ།

ལན། སྤྱི་ལོ་ ༡༩༥༥ ཟླ་བ་ ༣ ཚེས་ ༡༧ ལ་ཐུགས་འགན་བཞེས་གནང་ཡོད།

དྲི་བ། ྋགོང་ས་མཆོག་ནས་ཐུགས་འགན་བཞེས་དུས་སྒྱུར་བཅོས་གཙོ་བོ་གང་གནང་ཡོད་དམ།

ལན། ཐོག་མར་ལེགས་བཅོས་ཚོགས་ཆུང་བཙུག་པ་རེད།

དྲི་བ། ྋགོང་ས་མཆོག་སྐྱབས་བཅོལ་དུ་ཕེབས་དུས་ན་བཟའ་གང་བཞེས་གནང་ཡོད།

ལན། ྋགོང་ས་མཆོག་ནས་དམག་མི་དཀྱུས་མའི་ཆས་ཤིག་སྤྲོད་ཡོད།

དྲི་བ། ྋགོང་ས་མཆོག་གི་ཡིག་ཚང་དེའི་མིང་གང་ཡིན་ནམ།

ལན། སྐུ་སྒེར་ཡིག་ཚང་ཅེས་ཞུ་བ་རེད།

དྲི་བ། ྋགོང་ས་མཆོག་རྡ་རམ་ས་ལ་ག་དུས་ནས་བཞུགས་པ་ཡིན་ནམ།

ལན། ཕྱི་ལོ་ ༡༩༦༠ ཟླ་བ་ ༥ ཚེས་ ༡༡ ནས་བཞུགས་གནང་བ་རེད།

དྲི་བ། ྋགོང་ས་མཆོག་བཙན་བྱོལ་དུ་ཕེབས་སྐབས་རྒྱ་གར་ས་ཐོག་ཕྱི་ལོ་ཟླ་ཚེས་གང་གི་ནང་ཕེབས་ཐུབ་པ་ཡོད་དམ།

ལན། ཕྱི་ལོ་ ༡༩༥༩ ཟླ་བ་ ༣ ཚེས་ ༣༡ ལ་ཞབས་སུ་འཁོད་ཐུབ་པ་བྱུང་ཡོད།

དྲི་བ། ྋགོང་ས་མཆོག་སྤྱི་ལོ་ཟླ་ཚེས་གང་གི་ནང་སྐྱབས་བཅོལ་ལ་ཕེབས་ཡོད་དམ།

ལན། སྤྱི་ལོ་ ༡༩༥༩ ཟླ་བ་ ༣ ཚེས་ ༡༧ ཉིན་སྐྱབས་བཅོལ་ལ་ཕེབས་ཡོད།

དྲི་བ། ནོར་ཝེལ་ཞི་བདེའི་གཟིགས་རྟགས་དེ་ྋགོང་ས་མཆོག་ལ་སྤྱི་ལོ་ཟླ་ཚེས་གང་གི་ནང་ཕུལ་ཡོད་དམ།

ལན། སྤྱི་ལོ་ ༡༩༨༩ ཟླ་བ་ ༡༢ པའི་ཚེས་ ༡༠ ལ་ཕུལ་ཡོད།

དྲི་བ། ངོས་ཀྱི་ཡུལ་དང་ངོས་ཀྱི་མི་མང་ཅེས་པའི་མཛད་རྣམ་དེ་ྋགོང་ས་མཆོག་ནས་ག་དུས་བརྩམས་གནང་ཡོད།

ལན། སྤྱི་ལོར་ ༡༩༥༢ ལོར་བརྩམས་གནང་བ་རེད།

དྲི་བ། ྋགོང་ས་མཆོག་ནས་བོད་མི་མང་ལ་མང་གཙོ་ག་དུས་གསོལ་རས་གནང་ཡོད།

ལན། སྤྱི་ལོ་ ༡༩༦༠ ཟླ་བ་ ༩ ཚེས་ ༢ ལ་མང་གཙོ་གསོལ་རས་གནང་ཡོད།

དྲི་བ། ྋགོང་ས་མཆོག་ཕྲུ་གུའི་སྐབས་ཀྱི་མཚན་ལ་གང་ཟེར་རམ།

ལན། ྋགོང་ས་མཆོག་ཕྲུ་གུའི་སྐབས་ཀྱི་མཚན་ལ་ལྷ་མོ་དོན་འགྲུབ་ཞུ་བ་རེད།

དྲི་བ། ྋགོང་ས་མཆོག་སྐྱབས་བཅོལ་ལ་ཕེབས་དུས་དགུང་ལོ་ག་ཚོད་ཡིན་ནམ།

ལན། ྋགོང་ས་མཆོག་དགུང་ལོ་ ༢༥ ཐོག་སྐྱབས་བཅོལ་ལ་ཕེབས་པ་རེད།

དྲི་བ། ྋ་གོང་ས་མཆོག་ནས་བོད་མི་མང་གི་སྤྱི་འཐུས་ག་དུས་གསར་འཛུགས་གནང་ཡོད་དམ།

ལན། སྤྱི་ལོ་ ༡༩༦༠ ལོར་གསར་འཛུགས་གནང་ཡོད།

ཕྱག་ན་པདྨོའི་བྱིན་རླབས་བདུད་རྩིའི་རྒྱུན། བདག་སོགས་སྙིང་གི་ཟུངས་སུ་རྟག་སྨིན་ཅིང༌།།

བཀའ་བཞིན་སྒྲུབ་པའི་མཆོད་པས་རབ་བསྙེན་ནས། །ཀུན་བཟང་སྤྱོད་མཆོག་རྒྱ་མཚོ་མཐར་སོན་ཤོག། །།